Nelson Mandela memorial: Obama lauds ‘giant of history’
US President Obama pays tribute at the Memorial Service at FNB Stadium, Johannesburg
Yorùbá ni “Òṣìkà kú, inú ilú dùn, ẹni rere kú inú ilú bàjẹ́”. Bi o ti le jẹ́ pé Nelson Mandela ti pé marun din-lọgọrun ọdun láyé (1918 – 2013), gbogbo àgbáyé ṣe dárò rẹ nitori ohun ti ó gbé ilé ayé ṣe. Ó fi ara da iyà lati gba àwọn enia rẹ sílẹ̀ ni oko ẹrú ni ilẹ̀ wọn. Ó fi ẹmi ìdáríjì han nigbati ó dé ipò Olórí Òṣèlú. Kò lo ipò rẹ lati kó ọrọ̀ jọ, ó gbé ipò sílẹ lẹhin ti ó ṣe ọdún marun àkọ́kọ́. Eleyi jẹ́ ki ọmọdé, àgbà, Òṣèlú, Ọlọ́rọ̀, Òtòṣì, funfun àti dúdú papọ̀ nibi ètò ìrántí rẹ ni Ọjọ́ Ìṣẹ́gun, Ọjọ́ Kẹwa, Oṣù Kejila, ọdún Ẹgba-̃le-mẹtala.
Ìgbà àti àsìkò Nelson Mandela jẹ àríkọ́gbọ́n fún gbogbo àgbáyé pataki àwọn ti ó wà ni ipò Òṣèlú. Ìjọba ilú South Africa ṣe àlàyé ètò ìsìnkú rẹ bayi:
Àìkú, Ọjọ́ kẹjọ, Oṣù Kejila, ọdún Ẹgbã-le-mẹtala: Ọjọ́ àdúrà àpa pọ̀
Ìṣégun, Ọjọ́ kẹwa, Oṣù Kejila, ọdún Ẹgbã-le-mẹtala: Ètò ìrántí
Ọjọ́rú, Ọjọ́bọ̀ àti Ẹti, Ọjọ́ kọkọnla si ikẹtala, Oṣù Kejila, ọdún Ẹgbã-le-mẹtala: Ìtẹ́ òkú
Abameta, Ọjọ́ kẹrinla, Osu kejila, odun Egbalemetala: Gbigbé òkú lọ si Qunu
Aiku, Ọjọ́ karun-din-lógún, Osu Kejila, odun Egbalemetala: Ìsìnkú
ENGLISH TRANSLATION
http://www.mandela.gov.za/funeral/
