The Yoruba Blog

Iyán ni oúnjẹ gidi fún Ijẹṣa, nitori wọn ni iṣu ju ọ̀gẹ̀dẹ̀ lọ. Òwe àtijọ́ ni pé “Kò si ohun a nfi ọ̀gẹ̀dẹ̀ ṣe ni Ijeṣa, ẹiyẹ ló njẹ́” nitori ọ̀pọ̀ ohun ni a lè fi ọ̀gẹ̀dẹ̀ ṣe, ni ayé òde òni, ṣùgbọ́n olówó ló njẹ́ nitori ó wọ́n. Ọ̀gẹ̀dẹ̀ yára lati sè, fún àpẹrẹ, ká fi ọ̀gẹ̀dẹ̀ din dòdò, ó ṣe dani kan jẹ ni àjẹ yó, tàbi jijẹ pẹ̀lú oúnjẹ miran bi dòdò àti ẹyin, dòdò àti ẹwa, dòdò àti irẹsi-ọlọ́bẹ̀ àsèpọ̀/irẹsi funfun. Lí lo ọ̀gẹ̀dẹ̀ dúdú fún àmàlà, sisè jẹ, tàbi sísun dára fún àwọn ti ó ni àrùn-àtọ̀gbẹ. Ọmọdé fẹ́ràn dòdò.

Ọ̀pọ̀lọpọ̀ irú oúnjẹ ti a lè fi iṣu ṣe, ni a lè fi ọ̀gẹ̀dẹ̀ ṣe. Fún àpẹrẹ, ẹ ṣe àyẹ̀wò díẹ̀ ninú àwọn oúnjẹ wọnyi:

Oúnjẹ ti a lè fi iṣu ṣe	Oúnjẹ ti a lè fi Ọ̀gẹ̀dẹ̀ ṣe	Yam related meals	Plantain related meals
Iyán iṣu	Iyán ọ̀gẹ̀dẹ̀	Pounded yam	Pounded plantain
Àmàlà̀ iṣu	Àmàlà ọ̀gẹ̀dẹ̀ tútù tàbi gbigbẹ	Yam flour meal	Raw plantain meal or Plantain flour meal
Iṣu sisè	ọ̀gẹ̀dẹ̀ sisè	Boiled yam	Boiled plantain
Dùndú	Dòdò	Fried yam	Fried plantain
Àsáró iṣu	Àsáró ọ̀gẹ̀dẹ̀	Yam pottage	Plantain pottage
Iṣu sísun	ọ̀gẹ̀dẹ̀ sísun (Bọ̀ọ̀li)	Roasted yam	Roasted plantain
Iṣu lílọ̀ pẹ̀lú epo-pupa	ọ̀gẹ̀dẹ̀ lílọ̀ pẹ̀lú epo-pupa	Mashed yam with palm-oil	Mashed plantain with palm-oil
Ìpékeré isu	Ìpékeré ọ̀gẹ̀dẹ̀	Yam chips	Plantain chips