Àjọ jẹ kò dùn bi Ẹni kan kò ri: Ìná dànù àwọn ọmọ Olówó Nigeria ni Ìlú-Ọba – Eating together is not fun when some are deprived: Squandering of Nigeria Wealth in the UK, TV Channel 4 Documentary

Lati ọjọ́ ti aláyé ti dá ayé ni Olówó tàbi Ọlọ́rọ̀ ti wà. Ilẹ̀ Aláwọ̀dúdú kún fún ọrọ̀ oriṣiriṣi, ṣùgbọ́n, iwà àpà, ojúkòkòrò, ki kó ti ilé dà si ita, àti ìfẹ́ àjòjì ju ara ilé ẹni lọ, ló fa iṣẹ́ ti ó pọ̀ ni Ilẹ̀-Aláwọ̀dúdú. Iwà burúkú wọnyi, pàtàki laarin àwọn Olóri ilú tàbi alágbára ló fa ti ta ara ẹni lẹ́rú si Òkè-Òkun, ogun abẹ́lé àti òwò ẹrú ti ayé òde òni ṣi wà. Àwọn Òṣèlú àti Olóri ilú kò ti kọ́ ọgbọ́n, nitori wọn nṣe àṣiṣe si nipa li lo iṣẹ ti wọn gbà lai ṣe kó owó ilú jẹ, àbẹ̀tẹ́lẹ̀ gbigbà àti iwà ibàjẹ́ ló fa ibàjẹ́ ohun amáyédẹrùn àti ìṣẹ́ laarin ọrọ̀ ni orilẹ̀ èdè Nigeria.

Melo ninú ọmọ ayé òde òni ló ránti àwọn Ọlọ́rọ̀ ilẹ̀ Yorùbá ni aadọta ọdún sẹhin? Òmíràn kò mọ itumọ̀ ọ̀rọ̀ Èkó/Yorùbá pé “Bi ó ti ẹ lówó bi Da Rocha” lai bèrè pé tani Da Rocha? Àwọn Ọlọ́rọ̀ àná bi Candido Joao Da Rocha, Ọlọ́rọ̀ owó ọ̀kẹ́ aimoye àkọ́kọ́ ni orilẹ̀ èdè Nigeria ti ilú Èkó, Olóyè Adéọlá Odùtọ́lá ọ̀gá Oníṣòwò ti Ìjẹ̀bú-Òde ti ìpínlẹ̀ Ògùn, Oloye Àjàó, S. Bọlaji Bakare, I.O. Àjànàkú Iléṣà, Olóyè T.A. Oni & ati àwọn ọmọ-kunrin rẹ ni Ìbàdàn ìpínlẹ̀ Ọ̀yọ́, Oṣinọwọ oníṣòwò ọkọ̀ irinna ni Èkó, Mobọ́láji Bank-Anthony, Asábọ́rọ̀, ọmọ Ìkárọ̀ ni ẹ̀gbẹ́ Ọ̀wọ̀ ni ìpínlẹ̀ Ondo àti bẹ́ ẹ̀ bẹ́ ẹ̀ lọ ti wọn ti gbàgbé wọn pẹ̀lú ọrọ̀ ti wọn fi silẹ̀. Àwọn ti wọn ránti, ki ṣe nitori ọrọ̀ ti wọn fi silẹ̀ láyé ni èrò ránti ṣùgbọ́n àwọn ọmọ tó gba ẹ̀kọ́ ni ó lè jẹ ki wọn ṣe iránti wọn àti bi wọn ti lo ọrọ̀ na a fún lati ṣe oore fún àwọn aláìní.

Àwọn Ọlọ́rọ̀ Ilẹ̀ Aláwọ̀dúdú kò kọ́ ọgbọ́n ninú itàn igbẹhin Ọba àti Ìjòyè ti kò lo ipò wọn dáradára, àwọn ti ó fi èrú kó ọrọ̀ jọ, tàbi ti ó lo ipò wọn lati fi tẹ ará ilú mọ́lẹ̀ ni àtijọ́. Irú ọrọ̀ bẹ́ ẹ̀ kò bá wọn kalẹ́ bẹni ìrántí wọn kò dára.

Ni ọjọ́ keji ọ̀sẹ̀, ọjọ́ keje oṣù kẹfà, ọdún Ẹgbàá-lémẹ́rìndínlógún, ilé-iṣẹ́ Amóhùn-máwòrán Kẹrin ni Ilú-Ọba fi àpẹrẹ hàn bi àwọn ọmọ Ọlọ́rọ̀ lati Nigeria ti mba owó ninú jẹ́ ni Ilú-Ọba. Yorùbá ni “Ohun ti a kò bá jiyà fún, ki i lè tọ́jọ́”. Wọn nná owó ti ọgọrun enia lè ná ni ọdún kan ni alẹ́ ọjọ́ kan lai ronú ọ̀pọ̀ aláìní ni orílẹ̀ èdè wọn, ti Bàbá wọn ti fa ijiyà fún lati kó ọrọ̀ ti wọn nná dànù jọ. Kò si ìyàlẹ́nu ni irú iwà ti àwọn ọmọ ọlọ́rọ̀ Nigeria wọnyi hù nitori ọ̀pọ̀lọpọ̀ wọn bàjẹ́, wọn kò ni ẹ̀kọ́, wọn kò mọ iyi owó nitori wọn kò ṣiṣẹ́ fun.

ENGLISH TRANSLATION

The rich or wealthy people have been around since the beginning of times. Africa is blessed with various natural resources, but wastefulness, greed, squandering, preference for foreigners than indigenes, has contributed to the level of poverty in Africa. These wicked behaviours, particularly, among African Leaders or the powerful, who engaged in the sale of fellow Africans to slave traders abroad, ethnic war and modern day slavery is still prevalent. Since African leaders have not learnt from history the same mistakes are being made, looting of public treasury through bogus contracts, bribery and corruption have all contributed to the decay in infrastructure and poverty in the midst of plenty especially in Nigeria.

How many younger generations of today, remember the richest people of just fifty years ago in Yoruba land? The younger ones often ask “who is Da Rocha” whenever, the Yoruba or Lagos adage that says “Even if you are as rich as Da-Rocha” is used. The rich ones of yesterday such as: Candido Joao Da Rocha, the acclaimed first Nigerian millionaire based in Lagos, Chief Adeola Odutola a great entrepreneur, based in Ijebu-Ode, Ogun State, Ajao based in Lagos, I.O. Ajanaku of Ilesa, Chief T. A. Oni & Sons a successful indigenous Construction Contractor based in Ibadan, Oyo State, Osinowo successful transporter, Mobolaji Bank-Anthony, Asaboro from Ikaro, near Owo in Ondo State etc whose legacy have been completely forgotten as a result of litigation on the properties left behind or lack of continuity. For those that are still remembered, it is not because of the wealth they left behind, but for their well-trained children and how they have used wealth to touch the lives of the poor.

The wealthy ones in Africa have not learnt any lesson from history, the end of Kings and Chiefs who did not use their position of authority in a good way or those who used crooked means to acquire wealth, or those who used their wealth to oppress their people in the past. Such wealth did not last till the end and there is no good memory of such people.

On Tuesday, seventh of June, 2016, TV Chanel 4 in the United Kingdom, broadcasted a documentary on how the children of rich Nigerians were squandering money in the UK. It brings to mind the Yoruba adage that says “Whatever one has not laboured for cannot endure”. They squand amounts that hundreds of people could have spent in a year in just a night, without thinking of the poor majority in their home country. The behaviour of these spoilt brats is not surprising because they did not work for the money being squandered, they lack home training and thus no value is attached to the money they spend since they did not work for it.

Originally posted 2016-06-21 23:57:06. Republished by Blog Post Promoter

The Yoruba Blog

Ẹ jẹ ki a gbé èdè àti àṣà Yorùbá Lárugẹ: keeping the Yoruba language alive…

Àjọ jẹ kò dùn bi Ẹni kan kò ri: Ìná dànù àwọn ọmọ Olówó Nigeria ni Ìlú-Ọba – Eating together is not fun when some are deprived: Squandering of Nigeria Wealth in the UK, TV Channel 4 Documentary

Leave a Reply Cancel reply

Follow The Yoruba Blog